Qafarak Mangaafa Retteema Naharsi Kudok 25/2013 I.L.L.

Qafár Rakaakayak 8tô footimah aqayyaare yamaate alsak axcih Ciggilta kudok 26-28/04/2013 i.l.l fan antacawimelem Rakaakayak Barittô Biiro tiysixxige.

Rakaakayak barittô biiro 8 haytô footimah barteenitiy sanat 2012 i.l.l aqayyaare koviix-19 dadhoytah sabbatah aqayyaarel daffeyam xiqeweeh suge ciggila alsal axcih Ciggilta kudok 26-28/04/2013 i.l.l rakaakay caddol aqayyaare keenih amtocoowelem barittô biirok ciggiila saqal kee elle sugâ saqalah yan Gifta Macammad Cummad qaddoysem.

Gifta Macammad cummad ossotinah iyyeemih 8 hayttô footimah barteenitiy aqayyaare beyuwaah yani raqteh tan ayroora kirayaatih akah yaceen inna kee meqe xalu keenih qaagitam yescesseh yanim Rakaakayak Barittô Biirok geyne oyti diggoysa.